قله
قله اللي وصلني منه يكفيني عمر
كيف يبرا طعنِ سكين الغدر
قله كان لي عنده قدر
لا تلاقينا أمام الناس يسلِم
لا يبين أي حد منا متألم
لا يخلينا حكايه ... كفايه ما جرا منه كفايه
قله حلله ربي وباحه
اللي ما عرفت إلا جراحه
هان قلبي واستباحه
دان لي والجرم حبـه
قله وفقه ربي بغيري
واني رحت في شري وخيري
له مصيره ولي مصيري
لا يعلقني بدربه ..
عطني و عد
عطني وعد انك تمر
تلقاني بنتظرك عمر
ومهما تغيب تبقى حبيب
وغيرك أبد ما أنتظر
غالي علي وأحسك بعمري شريك
والدنيا حلوه .. حلوه فيني وأحلى فيك
ارجع أبيك ..قرر تجيني
والا حالاً أنا أجيك
عطني وعد .. أنطر بعد
عوضني كل اللي انفقد
طمني ارسل لي خبر
شوقي من الجمره أحر
يرضيك نبقى للأبد
انت ف .. بلد .. وأنا ف .. بلد ..
ولاتسوى
ولا تسوى حياتي بعد منك
يحز بخاطري بالحيل انك
قدرت تعيش كنه ما حصل شي
وأنا توي .. أنا توي .. بنفس السالفه هي
علي كِن الزمان عندك توقف
نسيت إنا افترقنا قلت صيف
تحريتك تجيني بس ما جيت
أنا توي .. أنا توي على طاريك فزيت
أنا في داخل أعماقي نسيتك
ولا واجهت إحساسي لقيتك
وين أروح دامك ساكنٍ بي
إيه .. شسوي وغيرك إنت من لي
ولا تسوى حياتي بعد منك
يحز بخاطري بالحيل انك
قدرت تعيش كنه ما حصل شي
وأنا توي .. أنا توي بنفس السالفه هي
فراغ العاطفه
كلنا نشكي فراغ العاطفه ^*^ هايمين قلوبنا ضميا حنان
ساكنتنا أحلام عذرى خايفه ^*^ مانحققها يعاندنا الزمان
كلنا مهموم روحه عايفه ^*^ واقعه ضاقت به حدود المكان
نرتجي بعد السكون العاصفه ^*^ يخلف المعتاد ما آن الأوآن
لي حبيب أعرفه ما أعرفه ^*^ حيث ربي ماكتب وصله وحان
التقي به ياخيال أو سالفه ^*^ لاطريته كل شين الوقت زان
لو تعرف المحبه
لو تعرف المحبة ما تخون السنين
إنت مالك في دنيا الحب حتى أمان
ما تعودت تسكن بين قلبٍ وعين
ما تعودت تلقى في دروبك حنان
كان شوق ومحبة وينها وأنت وين
كنت فيها حبيبي وكنت حتى الزمان
وف آخر أيام حبك قلت لي كلمتين
إنسى حبي ودور غير قلبي مكان
كنت اظنك حبيبي كل لحظه وحين
ورحت ما قلت آسف لو عذر من لسان
كيف حلمٍ بنيته طاح في لحظتين
كيف قلبٍ عطيته بعد ها الحب خان
مكانك هنا
لايهمك حبيبي شِف مكانك هنا .. بين ضلعين قلبي يا حبيب العيون
كل ما قلت أحبك قال قلبه وأنا .. انتخاشر غلاك اللي ذبحنا بهـون
آخذك من خيالي في خيالي سنه .. تاخذ الحـب أو عشانــك تهـــون
منهو مثلك ومثلي من مثــل حبنـا .. انت يا أحلى حكايه وانت يا أحلى جنون
هات يـــدك بيــدي خلنـا وحدنـا .. خلها حب وانسى من تكون وأكون
كل قصة حب تبتــدي باسمنــــا .. يبتــدون بـمحبـتنـــا ولا ينتـهــون
أعز الناس
يا حبيب عمري أنا..يا حياة روحي أنا..
يا جناحي في الهوا..يا بحوري في الهنا..
شوية ان قلت أحتاجك..شوية ان قلت اشتاقك..
وشوية ان قلت انا كلي لك..وشوية ان قلت اهواك..
لو تجمع حب العالم..احساس وشوق العالم..
وكلام الحب واغاني الحب ما تساوي يا عمري غلاك..
اياك تظن اياك تفكر يوم انساك..
او انسى بلحظة هواك..حبيبي يا حبيبي..يا حبيبي انا..
من خوفي عليك يا أعز الناس انا خفت الناس..
لك طلة جميلة عجيبة غريبة ترد الروح..
فيها معنى الحب لها دق القلب..تداوي جروح..
يا اجمل من في الوجود خذني لابعد حدود..
لدنيا من ورود فيها انت يا حبيبي..
اياك تظن اياك تفكر يوم انساك..
يا اعز الناس اياك..
او انسى بلحظة هواك..حبيبي يا حبيبي..يا حبيبي انا
مابين بعينك
ما بين بعينك..على كثر ما جاك
لا وا حسافه ليتني ما عطيتك
تخطي واعذراك..واتحمل خطاياك
هويت غلطاتك كثر ما هويتك
ضحيت بدنيا..علشان دنياك
خليت كل الي يبيني وجيتك
كنت بعيوني وين ماأطالع القاك
حتى ولو غمضت عيني لقيتك
من كثر ما حبك واقدر واهواك
ما اذكر اني في حياتي عصيتك
ولا فاد كل الي اسويه وياك
اتعبت قلبي ليتك تحس ليتك
والحين روح ارجوك ساعدني انساك
والا تجي حتى لو اني بغيتك
وان مر في بالي بقايا لذكراك
بحاول انساها مثل ما نسيتك
اخرتها معاك
هذي آخرتها معاك..رميت حبي وراك
قلبن عطاك الوفا..مجنون لو ما نساك
حلال فيك العذاب..ذوق مر الغياب
مدام حبك سرراب..شو الفايده من هواك
قلبن عطاك الوفا..مجنون لو ما نساك
ما كنت اصدق تروح..هانت عليك الجروح
اطلبك بالله تروح..ترجح كفاك كفاك
قلبن عطاك الوفا..مجنون لو ما نساك
يا كثر ما طولت
يا كثر ما طولت بالي عليك..وانت ما فكرت فيني شعليك
من غير احوالك وغير هواك..وان الي عمري ما ابنسى غلاك
ما اقدر اقول الا ...عسى الله يهديك
دايم تمنيني بحب وغرام..والحب يا عمري ما هو بالكلام
الحب اسمى شيء في هالوجود..وانا عطيتك حب ماله حدود
ما اقدر اقول الا ...عسى الله يهديك
غريبه احوالك وطبعك غريب..تصد عني وانت اقرب قريب
المشكله اني احبك كثير..وما اقوى على بعدك مهما يصير
ما اقدر اقول الا ...عسى الله يهديك
محتاج انا منك حبيبي حنان..توقف معي لما يخون الزمان
من ابسط حقوقي احس بغلاي..تعطيني من وقتك تجلس معاي
ما اقدر اقول الا ...عسى الله يهديك
قلبي يسلم عليك
نفسي تجيني واجيك... و اعاتبك واشتكيك
عيني بتسألني عنك... وقلبي يسلم عليك
انت الاماني الجميلة... يا غايتي والوسيلة
خلاص ما بايدي حيلة... الا تجيني واجيك
حس بعذابي وحنيني... واسكن بقلبي وعيني
لا تقتل الحب فيني... قلبي وعيني تبيك
لو توقف الناس ضدي... ما يختلف فيك ودّي
ما يعادلك حد عندي... بالروح انا مشتريك
خلاص روحي
خلاص روحي واتركيني لحالي ننسى الذي قد صار ونبدله بالغير
ما اقول غير اصبر على اللي جرى لي ولا اقول غير الله يذكرك بالخير
من اول لا قلت عندي تعالي قلتي اجيك اسرع من الريح والطير
واليوم أبصبر والصبر راس مالي حتى القدم ما عاد يقوى على السير
لا واحسافه كل ذيك الليالي ايام اخذنا بالسعاده مشاوير
انا الذي غلطان فيما مضى لي وليا تحملت الخطا عاد شي يصير
سلمت قلبي لك وارخصت حالي لا جيت في زله ولا صار تقصير
ولا تركت لغير حبك مجالي في وسط قلب ممتنع لك عن الغير
خلاص ابعد
عرفت ان الضنون اكبر خطية
اذا كان العشم زايد شويه
خلاص ابعد وبتحمل عذابي
ضحية بك ومن غيرك ضحية
وفيت وما توقعت الخيانة
وقلت اللي يكفيني حنانه
وما امداني اببعد عنك حضني
لقيت الكذب متوسد مكانه
انا حبيت لي واحد اناني
اراضي فيه ويتركني اعاني
انا شفيني ما ابعد عن حياته
واعيش الذكريات عمر ثاني
تنتظر
تنتظر كلمة أحبك شايفك مشغول فيها
كل شيء بوقته حلو ليش مستعجل عليها
بكرة هي اللي تجيك وتمر كل لحظة عليك
أنت بس طولي باللك وكل شيء بوقته حلو
في ثواني في دقايق في شهر ولا سنة
القلوب هي الي تحكم ما هو أنت او انا
ينولد حبك وحبي وأعشقك ياروح قلبي
أنت بس طولي بالك وكل شيء بوقته حلو
خلنا نفهم بعض قبل ما نهوى نضيع
ما بعد برد الشتاء ألا نسمات الربيع
أوعدك كلمة احبك منها ما يمل قلبك
أنت بس طولي بالك وكل شيء بوقته حلو
فمان الجرح
فمان الجرح ياذيك السوالف بعد ماخانت ضنوني ضنوني
عرفت الغدر وكذب الولايف جروحك علموك وعلمونـــي
نزل دمع وبعض الدمع واقف سأل عن باقي طيوفك عيوني
انا كل المشاعر حيل خايـــف ابسدل هالستار وساعدونـــي
وذاعوا كلمة التوديع آســـــف واذا باقي لكم غدر اعذروني
حبيب الكذب فينا الصدق حالف اموت الصادق الي تعرفوني
سألتك هو بقى للناي عــــازف يغني للحزن مره بدونــــي
واذا صار الحكي كله حسايـف بعد ما أروح يكفي تذكروني
غايب حبيبي
غايب حبيبي ما وصلني سلامه
مدري غيابه عذر او شي مقصود
مو عادته يبخل على بأهتمامه
دايم يطمني ولو كان موجود
ما ابغى اشوفه بس بسمع كلامه
لا صار طيب راحتي مالها حدود
يرجعه ربي على بالسلامة
اللي وحشني كم بقى يوم ويعود
محتاج له في درب ما اقوى ظلامه
هو شمعتي لا كثرت ايامي السود
ما اقوى على بعده ولا اقوى خصامه
لا غاب احس بدنيتي شي مفقود
متى يعود وترجع الابتسامة
الصبر مهما طال له وقت وحدود
عندي عتاب ودمعتين وملامة
وعندي أمل انه اذا غاب بيعود
منــت رايــق
منت رايق فيك شئ ومتضايق
منت في طبعك ولا هذا مزاجه
التفت لي شوي محتاج لدقائق
انا ما صدقت اشوفك وانتواجه
ودي اطفي بشوفتك نار الحرايق
ودي انسابك ردى الحظ وعجاجه
عش معي في دنيتي وانسى الخلاق
واسمع لرعشة خفوقي واحتجاجه
آه ياحلوك عليك الحزن لايق
يا عسى ربي يعجل بأنفراجه
جت تسألني علامك منت رايق
قلت رايق بس بكتب فيك حاجه
إصحـى تزعل
اصحى تزعل لو تفارقنا وبعدنا
وجيت مره عنك اسأل اصحى تزعل
ما تهون أيام حبك حلوه كانت ولا مره
تبقى انت في حياتي احلى حب واحلى عشره
وانت برظه تبقى الأول واصحى تزعل
ياه ياه يازماني اللي تغير
من بقابك ماتأثر
شلت جرحي بكل طيبه
ليت تفهم أو تقدر
اني بسأل والله لسأل
عنك واسأل واصحى تزعل
ليـــه كـــذا
ليه كذا ليه وش سويت لك
اللي حبيته لعمري يا عمري حبيته لك
كانت الدنيا كلها انتي
وكل حياتي ومناي انتي
غريب مثلك علي يقسى
وغريب مثلي انا ينسى
ليه كذا ليه وش سويت لك
يابعيده بالمسافة ياقريبة من الشعور
انا كل اللي اخافه بعدنا يطول شهور
العمر لحضه حبيبي خلني احياها بوجودك
وش يفيد الوقت صمتك لا شكى صبري صدودك
ليه كذا ليه وش سويت لك
من يعيد الأبتسامه على ماضينا الحنون
من يغير في كلامه من ينسيه الظنون
نسي لساني كلامي وزاد حزني بالسكوت
الأمل شوقي وغرامي ينتظر ولا يموت
ليه كذا ليه وش سويت لك
يا صاحبي-عبد المجيد و راشد الماجد
مجيد : يا صاحبي وش فيك قاعد لحالك .. ليش انت متغير ومشغول بالك ؟
صارحني قاسمني عناك وهمومك .. ما أطيق أشوفك متعب الهم حالك .
راشد : يا صاحبي ضاقت علىّ الليالي .. باللي شغل قلبي وفكري وبالي
.. خوفي أسولف وأخسر انسان غالي ، يا أخسرك او أخسر اللي في بالك .
مجيد: يا صاحبي وش فيك ؟
راشد: يا صاحبي مهموم ,
مجيد: ما أطيق أشوفك متعب الهم حالك .
مجيد: حيرتني واحترت باللي تقوله .. وان كان عندك سر بالله قوله ..
ما عاش من يخسر غلاك بسهوله ، ولا عاش من يقطع بعمره وصالك .
راشد : خايف أقول وأصدم احساس قلبك .. واحد لعب بي في الغرام ولعب بك
.. هو حبني وانت تفكر يحبك ، لا هو وفا لحبي ولا هو وفا لك .
مجيد: يا صاحبي وش فيك ؟
راشد : يا صاحبي تعبان ,
مجيد: ما أطيق أشوفك متعب الهم حالك .
مجيد: يعني أنا وانت بهالحب ضعنا ! واللي نحبه يا حسافه خدعنا ..
مثّل غرامه وأتقن الدور معنا ، والغدر طال احساس قلبي وطالك .
راشد : هذا الذي هو صار بينك وبيني .. وأسهر عيونك في غرامه وعيني ..
كلمة أحبك اللي تجي لك تجي لي والشوق نفس الشوق جاني وجالك .
مجيد: يا صاحبي وش فيك ؟
راشد : والله تعبااااان ,
مجيد: ما أطيق أشوفك متعب الهم حالك .
مجيد: يا صاحبي مهما تكون الحقيقه .. أو تشتعل بالقلب مية حريقه ..
أنا من اللي صعب يخسر رفيقه ، لجل المحبه او أبدل بدالك .
راشد : وأنا من أجل الحب ما أخسر رفيقي .. ولا أغير عن طريقه طريقي
.. واللي جمعني معك حب حقيقي ، لك ما تبي حتى حياتي فدالك
مجيد: يا صاحبي وش فيك ؟
راشد : لا لا لا يهمك ,
مجيد: ما أطيق أشوفك متعب الهم حالك
انشاء الله تعجبكم
واذا كنتو تبغو اي شي انا حاضرة لا تستحواااا
الرئيسية 
التسجيل 
أحدث الصور 
دخول 
الأحد فبراير 17, 2008 5:51 pm
